மனிதர்களாக பிறந்த அனைவரிடமும் இருக்க வேண்டியவைகள்
தைரியமும், பொறுமையும்
எந்த ஒரு சூழலிலும் இந்த இரண்டையும் இழந்துவிட கூடாது. அது பெரிதாக இருந்தாலும் சரி, சிறிதாக இருந்தாலும் சரி, தைரியமாகவும், பொறுமையாகவும் இருக்க வேண்டும்.
கவனம் :
வாழ்க்கையில் நாம் எடுக்கும் முடிவுகளிலும், ஈடுபடும் செயல்களிலும் எல்லா தருணத்திலும் கவனமாக இருத்தல் அவசியம்.
நல்ல நோக்கம் :
நல்ல நோக்கங்கள் இருக்க வேண்டும். அனைவரையும் ஊக்குவிக்க வேண்டும். உடல் மற்றும் சமூக ஆரோக்கியம் கொண்டிருக்க வேண்டும்.
தளர்ந்துவிடக் கூடாது :
எந்த ஒரு தருணத்திலும் சரி, கடுமையான போராட்டங்களுக்கு தீர்வுக் கிடைக்கவில்லை என்றாலும் கூட நகர்ந்து செல்லாமல் கடுமையாக வேலை செய்ய தயங்க கூடாது.
ஆபத்து சூழ்நிலைகளை எப்படி கையாள வேண்டும் என்ற மனப்பக்குவம் குறித்து தெரிந்திருக்க வேண்டும்.
பகிர்தல் :
உணவு, மகிழ்ச்சி, பணம் என எதுவாக இருந்தாலும் குடும்பத்துடனும், நண்பர்களுடனும் பகிர்ந்துக் கொள்ளும் பண்பு இருக்க வேண்டும்.
இரகசியம் :
இரகசியங்கள் காக்க தெரிந்திருக்க வேண்டும். அனைவருக்கும் உண்மையாக இருக்க வேண்டும். உள்ளொன்றுமாக, புறமொன்றுமாக இருத்தல் கூடாது.
விடா முயற்சி :
வாழ்க்கையின் எல்லா தருணத்திலும் பொறுமையும், விடா முயற்சியும் கொண்டிருக்க வேண்டும். அது உறவாக இருப்பினும் சரி, வேலையாக இருப்பினும் சரி.
நல்லவை, கெட்டவை :
தேவையற்றதை மறக்கவும் கற்றிருக்க வேண்டும். வேண்டாதவற்றை எண்ணி எண்ணி வருந்தும் குணம் இருத்தல் கூடாது. அதே போல நன்மை தரும் செயல்களையும், நல்லவர்களையும் மறந்துவிட கூடாது.
பணிவு :
பணிவாக நடந்துக் கொள்ள வேண்டும். பணம், வெற்றி காரணம் காட்டி அகம்பாவம் வெளிப்படுத்த கூடாது. அகம்பாவம் நல்லறிவு, சிறப்புகள் போன்றவற்றை அழிக்கும் என்பதை அறிந்திருக்க வேண்டும்.
இலட்சியம் :
இலட்சியம் கொண்டிருக்க வேண்டும், தன்னை சுற்றி இருப்பவர்களிடம் தாழ்மையுடன் நடந்துக் கொள்ள வேண்டும்.
திறமை :
தன்னிடம் திறமை இருக்கிறது என்பதற்காக, தன்னால் சாதிக்க முடியும் என்பதற்காக, மற்றவர்களை தாழ்த்தி மதிப்பிட கூடாது.
நல்வாழ்வு :
உணவு மீதும், உடல் மீதும் பெரும் அக்கறை கொண்டவராக இருக்க வேண்டும். தன்னை சுற்றி இருப்பவர்களையும் இது சார்ந்து ஊக்கப்படுத்த வேண்டும்.
சோம்பள் :
எப்போதும் தூங்கிக்கொண்டே சோம்பேறி தனமாக இருத்தல் கூடாது. எந்நேரமும் சுறுசுறுப்பாக செயற்படக் கூடிய நபராக இருக்க வேண்டும்.
மரியாதை :
ஒரு மனிதன் உயர்ந்த நிலையில் இருந்தாலும், பெரியவர்கள், முன்னோர்கள், சான்றோர்கள் என அனைவருக்கும் மதிப்பளிக்க தெரிந்த குணம் இருக்க வேண்டும்.
ஏமாற்றுதல் :
தன்னை விட எல்லா வகையிலும் வலுவற்றவனிடம் நேரடியாகவோ, மறைமுகமாகவோ அவர்களை ஏமாற்றுதல், பணம் பிடுங்குதல் போன்ற சம்பவங்களில் ஈடுபடக்கூடாது.
கருத்துகள் இல்லை:
கருத்துரையிடுக